Er du klar for utfordring og utvikling?

Vi søker lærar som vil vera med og vidareutvikle Vågåskulen.
Våre overordna mål er:

Ein kollektivt orientert skule med vekt på trivsel, samskaping, inkludering og lokal identitet.

Ein skule som arbeider systematisk for å betre eleven si læring og utvikling.

Satsingsområde i Vågåskulen:

Tidleg innsats

Forpliktande samarbeid heim/skule

Samarbeid på tvers av steg

Vi søker etter ein engasjert lærar som:

er sterk på klasseleiing og relasjonsbygging

har god digital kompetanse og erfaring i bruk av digitale verktøy i
undervisninga

er løysingsorientert og har evne til fleksibilitet

er god på samarbeid

gode norskkunnskapar munnleg og skriftleg (minimum tilsvarande nivå B1)

Vågå kommune nyttar nynorsk som skriftspråk
Stabilitet og personlege eigenskapar blir vektlagt, saman med utdanning og praksis. Det er ønskeleg at den som søker gir opp referansar i søknaden.
Vi søker primært etter grunnskulelærar, men også godkjent undervisningskompetanse (PPU) vil ved særskilte fagbehov bli vurdert.
Vågåmo skule søkjer etter lærar i eit 100 % vikariat i perioden 1. januar 2027 til 31. desember 2027. Dersom aktuell kandidat har høve til det, kan stillinga tiltredast før oppsett startdato.
Ønskje om kompetanse/fag:

Basisfaga norsk, matematikk og engelsk.

Kompetanse eller erfaring innanfor arbeid med norsk 2.

Søknad skal sendast på elektronisk søknadsskjema . Vedlegg til søknaden kan sendast som e-post til <[email hidden]>. Framlegging av vitnemål og attestar saman med søknaden er ein føresetnad for best mogleg sakshandsaming. Referansar vil bli nytta, og dei søkjarane som blir vurdert som aktuelle vil bli kalla inn til individuelle intervju.
Vågå kommune er oppteke av mangfald og oppmodar kvalifiserte kandidatar til å søkje uavhengig av alder, kjønn, funksjonsevne, etnisitet eller nasjonal bakgrunn.
Vi gjer merksam på at søkjarnamn kan bli offentleggjort sjølv om ein reserverer seg mot det, jf. Off.lova §25. Du vil i tilfelle bli varsla om dette på førehand.
Om arbeidsgiveren: Vågå kommune ligg i Nord-Gudbrandsdalen, midt mellom nasjonalparkane Jotunheimen og Rondane, omtrent midt mellom Oslo og Trondheim, med ei reisetid til begge på knappe 4 timar, så vel med bil som med tog eller buss. Kommunesenteret Vågåmo er ein konsentrert og triveleg handelsstad, med eit godt utbygd servicetilbod. Vågå kommune har ca. 3.550 innbyggjarar, eit godt barnehage- og skuletilbod, og eit allsidig og rikt kulturliv.
Vi meiner at det er viktig med ein god balanse mellom jobb og fritid -- med ei passe mengde arbeidsoppgåver. Er du glad i friluftsliv kan du kople av i både skog og fjell: det finst gode jakt- og fiskemoglegheiter. Den rurale bygda har i tillegg fleire idrettsanlegg med idrettsarenaer, fotballbaner og idrettshall med klatrevegg, skiløypenettverk og alpinsenter, og byr også på meir urbane tilbod som kulturhus, kino og galleri.