Rådgivende ingeniør fysikk (RIBfy)

Vi søkjer ein engasjert og fagleg dyktig rådgivande ingeniør innan bygningsfysikk som ønskjer å arbeide med varierte prosjekt og vere ein aktiv del av tverrfaglege prosjekteringsmiljø.
Hos oss får du arbeide tett saman med arkitektar, ingeniørar og andre rådgivarar innan ei rekkje fagområde.

Hva vi ser etter

har relevant høgare utdanning innan bygg, energi, bygningsfysikk eller tilsvarande

har erfaring med bygningsfysisk prosjektering, eller eit sterkt ønske om å utvikle deg innan fagområdet

har kjennskap til TEK17 og relevante standardar og rettleiingar

har god forståing for byggjekonstruksjonar og samanhengen mellom materialbruk, fukt, energi og inneklima

arbeider strukturert og sjølvstendig

trivst med samarbeid på tvers av fag

kommuniserer godt både skriftleg og munnleg på norsk

Erfaring med energi- og bygningsfysiske berekningsverktøy, BIM og tverrfagleg prosjektering vil vere ein fordel.
Vi er opne både for deg som har fleire års erfaring og for deg som er tidlegare i karrieren og ønskjer å byggje opp solid kompetanse innan bygningsfysikk.

Arbeidsoppgaver
Som RIBfy hos Nordplan vil du mellom anna arbeide med:

bygningsfysisk prosjektering og rådgiving

vurdering og prosjektering av klimaskjerm, konstruksjonsoppbygging og detaljløysingar

energiberekningar og dokumentasjon etter TEK17

vurdering av kuldebruer, lufttettleik og varmeisolering

dagslys- og inneklimavurderingar

rehabilitering og vurdering av eksisterande bygg

utarbeiding av notat, rapportar, beskrivingar og prosjekteringsgrunnlag

tverrfagleg koordinering i prosjekt

oppfølging i byggjefase, synfaringar og kontroll ved behov

dialog med kundar, entreprenørar og andre samarbeidspartnarar

Arbeidsoppgåvene vil kunne tilpassast kompetansen og erfaringa di.

Vi tilbyr
Hos Nordplan får du:

spennande og varierte prosjekt

stor påverknad på eigen arbeidskvardag og fagleg utvikling

eit tverrfagleg miljø med korte avstandar mellom fag og menneske

høve til å følgje prosjekt frå tidlegfase til ferdig bygg

gode moglegheiter for fagleg utvikling og auka ansvar

fleksibilitet i arbeidskvardagen

konkurransedyktige lønns- og arbeidsvilkår

eit inkluderande og uformelt arbeidsmiljø

Nordplan har eit breitt tverrfagleg fagmiljø og arbeider med planlegging, arkitektur og rådgivande ingeniørtenester. Vi ønskjer å skape gode løysingar gjennom tett samarbeid mellom fagområda våre og med kundane våre.

Om arbeidsgiveren: I Nordplan ser vi at gode løysingar kjem når ein ser menneska bak prosjekta og omgjevnadane dei skal passe inn i. Vi er eit tverrfagleg selskap som jobbar med alle fasar av ein planprosess, eit infrastruktur- eller byggeprosjekt. Vi hjelper også til med drift og eigedomsutvikling. Her jobbar arkitektar, ingeniørar, landskapsarkitektar og planleggjarar side om side -- for vi meiner dei beste ideane blir til når vi deler kunnskap og ser moglegheiter saman. Vi trur på samarbeidet og engasjementet som oppstår når flinke folk får spele kvarandre gode.
Det er ikkje berre kva vi gjer som betyr noko for oss, men også korleis vi gjer det. For oss handlar arbeidet om meir enn det ferdige resultatet. Det handlar om å skape varige løysningar, som gjer kvardagen betre og lokalsamfunna sterkare.