Småbarnas superhelt – Vikariat i Vassenden barnehage

Vassenden barnehage søkjer ein aktiv og engasjert medarbeidar til 100 % stilling på småbarnsavdeling, vikariat med moglegheit for fast jobb. Hos oss er leiken hjartet i kvardagen. Vi ønskjer ein vaksen som deltek og utforskar med barna – ute og inne, med humor og glede.

Hva vi ser etter

Vi ser etter deg som

trivast med ein aktiv og variert kvardag, du ynskjer å vere ein viktig vaksen for dei yngste barna.

Du

• møter barna med varme og forståing, samtidig som du er tydeleg og set trygge grenser
• held roa når barn treng trøyst, protesterer eller treng ekstra støtte
• tek initiativ og deltek aktivt i leik og aktivitet
• trivst ute i all slags vêr
• bruker humor i arbeidet og bidreg til glede og godt humør
• samarbeider godt, tek imot rettleiing og deler viktig informasjon
• er påliteleg, møter presis og tek ansvar for oppgåvene dine
• trivst med ein fysisk arbeidsdag og kan vere tett på barna på golvet, i garderoben og ute på tur
• Relevant utdanning eller erfaring frå arbeid med barn er ein fordel. Det viktigaste er at du er motivert, lærevillig og personleg eigna til å arbeide med små barn.
• Vi ønskjer mangfald i personalgruppa og oppmodar både menn og kvinner til å søkje.

Arbeidsoppgaver

På Trollungane arbeider du med barn i alderen 1-2 år. Arbeidsdagen krev at du er tett på barna: Du må kunne sitje på golvet og delta i leiken, hjelpe med måltid, bleieskift, søvn og påkleding - og vere med ut i all slags vêr.

Dette skal du gjere

• ta imot barn og foreldre på ein trygg og god måte
• delta aktivt i leik, aktivitetar og turar i nærmiljøet
• hjelpe barna med måltid, bleieskift, søvn og påkleding
• sjå behova til barn som enno har lite språk
• støtte barna i samspel, vennskap og leik
• førebu enkle aktivitetar tilpassa dei yngste
• samarbeide med foreldre og kollegaer og bidra til orden på avdelinga
• Vi ønskjer ein medarbeidar som tek aktivt del i aktivitetane saman med barna.
• Vi tilbyr
• Dette tilbyr vi
• eit 100 % vikariat med moglegheit for fast stilling
• løn etter utdanning og ansiennitet i samsvar med gjeldande PBL-tariffavtale
• pensjons- og forsikringsordningar gjennom PBL
• ein variert arbeidsdag med leik, uteliv og aktivitet
• kollegaer som samarbeider og hjelper kvarandre
• høve til å påverke aktivitetane og leikemiljøet på avdelinga
• Arbeidstida varierer etter arbeidsplan innanfor tidsrommet kl. 06.30-16.45 . Barnehagen har ope frå kl. 06.45 til 16.45 .
• Tilsetjing føreset at du legg fram godkjend politiattest før du tek til i stillinga.
• I Vassenden barnehage arbeider vi for at både barn og vaksne skal vere GLADE OG TRYGGE SAMAN .
• Om arbeidsgiveren: Om Vassenden Barnehage
• Vassenden barnehage er ein privat, foreldreeigd barnehage på Vassenden i Sunnfjord kommune.
• Barnehagen har tre avdelingar: Trollungane for dei yngste barna, Veslefrikk for 3-åringane og Askeladden for dei største barna.
• Vi har eit stort og variert uteområde med leikeapparat, skog, grillhytte og både flate og kuperte område som gir gode moglegheiter for leik og motorisk utvikling.
• Mottoet vårt er: "GLADE OG TRYGGE SAMAN I LEIK OG LÆRING"