Skogsvåg arbeids- og opplæringssenter/ Grønebakkane bustader

Vi har nå en ledig stilling hos oss, og derfor trenger vi akkurat deg! Arbeids og opplæringssenteret er dagtilbod til menneske med nedsett funksjonsevne som bur heime eller i eigne bustader/bufellesskap. Innhaldet i dagtilbodet er diverse aktivitetar og produksjon av ulike salsartikler, som tenn briketter, sitte-underlag, sesongpynt og baking. Arbeidssenteret ligg sentral i Skogsvåg nær offentleg transport og Kommunedelsenter. Ca 80 % av stillinga er knytt til arbeid på dagtid på denne avdeling. Grønebakkane yter heildøgns omsorgstenester til menneske med nedsett funksjonsevne som bur i døgnbemanna bufellesskap og eigne bustadar knytt til ein base. Vi har som målsetting å bidra til at den enkelte bebuar har ein aktiv og meiningsfull kvardag, kor trivsel, sjølvråderett, tillitsskapande arbeid og meistring vert lagt stor vekt på. Vi er ei flott og tverrfagleg personalgruppe beståande av vernepleiar, sjukepleiar, miljøterapeutar, helsefagarbeidarar og assistentar. Bufellesskapet ligg på andre siden av vegen til arbeids – og opplæringssenter. Ca 20 % av stillinga er knytt til turnus/ helg på denne avdeling, 16 helger i året. Arbeidsoppgåver: Observasjon, rettleiing, motivering, gjennomføring og evaluering av tiltak tilpassa akutelle bebuarar/arbeidstakar Legemiddelhandtering etter delegert løyve Planlegge for produksjon og sal Omsorg og miljøarbeid i tenesta til den enkelte Primærkontaktoppgåver for arbeidstakarar Kvalifikasjonar: Fagbrev (helsefagarbeidar, barne- og ungdomsarbeidar) Andre med erfaring frå arbeid med målgruppa kan bli vurdert om det ikkje er andre kvalifiserte søkjarar Det vil bli lagt vekt på at søkjar er personleg eigna Sertifikat klasse B Gode norskkunnskaper munnleg og skriftleg Ønskjeleg med: Erfaring frå liknande arbeid Kunnskap og ferdigheiter innan søm og handarbeid Kompetanse på tenesteutøving for menneske med komplekse bistandsbehov knytt til utviklingshemming, ulike former for psykiske lidingar og åtferdsproblematikk Personlege eigenskapar: Fleksibel Gode samarbeidsevner Kan jobbe sjølvstendig og i team Er løysingsorientert Bidra til et godt arbeidsmiljø ved å framme det positive Anna: Stillinga inngår i årsplan med arbeid dag og 16 helger pr år. Ved internt opprykk kan andre stillingar bli aktuelle og vil bli vurdert av same søkarmasse Ledig frå snarest Vi tilbyr: Gode pensjons- og forsikringsordningar Motiverte og kunnskapsrike kollegaer Interessante utfordringar Høve til fagleg og personleg utvikling Kontakt: Avdelingsleiar : Silje Helen Berntsen tlf: 96 94 22 53 Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det. Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.

Link til søknadsskjema: Søk her Om arbeidsgiveren: Øygarden kommune er den nest største kommunen i Vestland fylke med om lag 39 850 innbyggjarar og om lag 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong, Ågotnes og i Skogsskiftet.

Administrasjonsspråket i Øygarden er nynorsk.

Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.