Vikariat som kommunepsykolog i Voss, Eidfjord,Ulvik og Vaksdal i 100 % stilling

Voss herad er i eit samarbeid mellom kommunane Ulvik, Eidfjord, Vaksdal og Voss. Samarbeidet siktar mot å levera robuste kommunepsykologtenester av høg kvalitet til deltakarkommunane. Me har eit sterkt fagleg miljø med totalt fem psykologar kor av tre har fullført spesialiseringa. No søkjer me vikar for ein som er i døgnpraksis. Vikariatet er i fyrste rekke 16 månader, men med moglegheit til forlenging. Kommunepsykologane er samlokalisert med andre hjelpetenester i Voss sitt nye kontorbygg « Knutepunktet» og jobbar herfra ut mot alle deltakarkommunane. Generelt Psykologtenesta skal arbeide heilskapeleg og tverrfagleg i og mellom deltakarkommunane med helsefremjande og førebyggande arbeid. Arbeidsoppgåvene kan grovt reknast i tre. 1) Innbyggjarane skal ha tilgang til behandling og undervisning både individuelt (korttidsbehandling) og i grupper. Vidare skal psykologane 2) bidra til å styrka det øvrige tenestetilbodet i kommunane gjennom rettleiing og undervisning. Sist, men ikkje minst, skal psykologane 3) arbeida system- og samfunnsretta gjennom evaluering, tenesteutvikling og kommunalt plan og utgreiingsarbeid. Sentralt i alt arbeidet står samarbeid med aktuelle kommunale tenester, samt andre tenester t.d. spesialisthelsetenesta. Me vektlegg stor grad av autonomi samstundes som me ønskjer å løfta i lag. Med leitar difor etter ein lagspelar med høg motivasjon. Det er eit mål at me skal utvikla både vår eiga og deltakarkommunane si kompetanse og evne til å svara på morgondagens utfordringar. Me prioritera difor læring og utvikling høgt. Kommunepsykologane har delt kommunane mellom seg slik at kvar kommune har ein primærkontakt. Den som vert tilsett blir primærkontakt for ein kommune, og vil måtte pårekna mellom 1 og 3 dagar kvar veke på kontor ute i samarbeidskommunane fortrinnsvis i Dale. Endringa er i stadig endring og du vil få stor moglegheit for å influera på din eigen arbeidskvardag. Arbeidsoppgåver Du vil få vera med å utforme arbeidsoppgåvene utfrå din kompetanse og interesseområde: arbeid på individ-, gruppe- og systemnivå vurdering, kartleggingssamtaler og oppfølging kortvarig behandling av lette til moderate psykiske lidingar (3-5 konsultasjonar) kartleggje behov for behandling og vise til spesialisthelsetenesta ved alvorlege psykiske lidingar bidra i arbeidet med kompetanseutvikling rettleia tilsette samarbeid med andre tenester internt og eksternt delta i kommunalt kriseteam arbeidsoppgåvene kan verta endra ut frå verksemda sine behov noko reiseverksemd må påreknast Me søkjer offentleg godkjend/autorisasjon som psykolog, gjerne psykologspesialist erfaring frå tverrfagleg/tverretatleg samarbeid erfaring med å gje rettleiing kjennskap til utfordringar med arbeidet innan rus/psykisk helse forståing for tidleg intervensjon, førebyggande og helsefremmande arbeid gode norskkunnskapar, både skriftleg og munnleg Me tilbyr eit godt, aktivt og tverrfagleg fagmiljø basert på samarbeid utfordrande og sjølvstendige arbeidsoppgåver. medverknad i utvikling av psykologtenesta deltaking i fagfellesskap for kommunepsykologar kontor i nye flotte lokaler, saman med fleire andre hjelpetenester medlemsskap i pensjons- og forsikringsordning konkurransedyktig lønn me freistar å legge til rette for å oppfylle praksiskrav i høvet til barn og unge eller voksne. Anna godkjend politiattest må framleggjast før tiltreding i stillinga du må ha førarkort, klasse B, då reiseverksemd må påreknast hugs å gje opp minst to referansar Søk på stillinga ved å klikke på knappen til høgre. Attestar og vitnemål skal leggjast ved elektronisk eller sendast til: Voss herad, boks 145, 5701 Voss, merka med stillingsreferanse. Søknadspapira vert ikkje returnerte. Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentlighetsloven § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje. Ver vennleg og legg ved vitnemål og attestar som vedlegg til søknaden.

Link til søknadsskjema: Søk her Om arbeidsgiveren: Livet er meir enn arbeid. På Voss kan du gå på ski om vinteren eller på fjelltur om sommaren, nokon et smalahove, høyrer på jazz eller driv med ekstremsport.

Vossevangen er regionsenteret vårt. Me har eit godt utbygt næringsliv, er eit senter for utdanning i regionen og me er eit knutepunkt mellom aust og vest. Bergensbanen går gjennom Vossevangen, og me har godt togsamband til både Bergen og Oslo.

Voss herad har om lag 16.000 innbyggjarar og er den største arbeidsgjevaren i bygda, med om lag 1350 tilsette. Nynorsk er administrasjonsmålet i Voss herad.

Verdiane våre er profesjonell - påliteleg - skapande - inkluderande