Forskings- og samlingsleiar

Nynorsk kultursentrum ser etter forskings- og samlingsleiar. Avdelinga forskar på nynorsk skriftkultur og tema knytt til dette. Vi samarbeider med institusjonar og forskingsmiljø i heile Noreg og forvaltar viktige samlingar og arkiv, som til dømes samlingane etter Ivar Aasen og Olav H. Hauge.

Hva vi ser etter

Vi ser etter ein trygg og tydeleg leiar med forskingskompetanse og engasjement og entusiasme for språk og kultur.

Desse kvalifikasjonane er ein føresetnad

• Gode leiareigenskapar
• Gode samarbeidsevner

Mastergrad

God økonomiforståing

Desse kvalifikasjonane er ein fordel

Leiarerfaring og/eller dokumentert leiarkompetanse

Doktorgrad

Kompetanse og erfaring med samlingar og arkiv

Arbeidsoppgaver

Vi ser etter ein leiar som vil styrke og stimulere forskingsmiljøet i stiftinga. Avdelingsleiaren har også ansvar for god framdrift i registreringa og digitaliseringa av samlingane og arkiva våre. Kontorstad er Aasentunet i Ørsta.

Forskings- og samlingsleiar er ein del av leiargruppa i stiftinga og rapporterer til direktør. Leiargruppa jobbar for best mogleg samarbeid mellom avdelingane i organisasjonen. Det er særleg viktig å styrke samarbeidet mellom forskings- og samlingsavdelinga og formidlingsavdelinga. Avdelingsleiaren har personalansvar for dei tilsette i avdelinga med kontorstad i Aasentunet (fem tilsette) og dei som jobbar frå eksterne kontorstader.

Vi tilbyr

Løn etter avtale, med utgangspunkt i lokal særavtale

30 feriedagar for leiarar

Medlemskap i Statens pensjonskasse

Avtalefesta pensjon

Gruppelivsforsikring

Medlemskap i fleire organisasjonar og nettverk som gir tilgang til både ressursar og gode kollegaer nasjonalt og internasjonalt

Om arbeidsgiveren: Nynorsk kultursentrum er ei sjølvstendig stifting som arbeider for nynorsk skriftkultur gjennom vitskapleg og kulturfagleg aktivitet som aukar kunnskapen og medvitet om nynorsk skriftkultur nasjonalt og internasjonalt. Stiftinga eig og driftar tre museum: Aasentunet i Hovdebygda (Ørsta kommune), Haugesenteret i Ulvik (Hardanger) og Vinjesenteret i Vinje (Telemark).

Stiftinga er finansiert over statsbudsjettet og av vertsfylka og -kommunane våre i tillegg til andre tilskot og gåver og kommersielle inntekter. Vi har til saman 27 tilsette fordelt på dei tre musea og kontorstadane, som samarbeider tett på tvers av avdelingar og geografisk stad for å nå måla våre.

Stiftinga er medlem i arbeidsgivarorganisasjonen Virke.